Fases dun Test de Intrusión (Pentest)

Un test de intrusión segue un ciclo metodolóxico en 6 fases:

1. Recopilación
   Obtención de datos sobre o obxectivo: DNS, IPs, tecnoloxías, estrutura organizativa, correos, metadatos, etc. Pódese dividir en recoñecemento activo e pasivo.

2. Análise de vulnerabilidades
   Uso de escáneres e ferramentas para identificar posibles debilidades: servizos expostos, versións vulnerables, portas abertas, scripts de configuración, etc.

3. Explotación
   Executar ataques que aproveiten as vulnerabilidades atopadas para obter acceso ao sistema ou comprometer servizos.

4. Post-explotación
   Analizar o impacto, manter o acceso, recolectar información sensible e moverse lateralmente cara outros sistemas.

5. Persistencia
   Manter o acceso conseguido, así o obxectivo é garantir que o atacante poida manter o acceso ao sistema a longo prazo, mesmo despois dun reinicio ou intento de limpeza. Isto implica:

   • Instalación de backdoors ou portas traseiras.
   • Creación de contas ocultas ou modificación de contas existentes.
   • Manipulación de servizos ou tarefas automatizadas (ex. cron jobs, servizos persistentes).
   • Uso de software de acceso remoto camuflado (RATs).
   • Engadido de scripts en puntos de arranque do sistema.

6. Informe
   Redacción dun informe claro e profesional coas evidencias obtidas, vulnerabilidades detectadas, impacto potencial e recomendacións de mitigación.

Importancia de tomar anotacións nas 6 fases

Fase	Que anotar	Por que é crucial
Recopilación	Rangos IP, DNS, banners, metodoloxía de escaneo	Evita duplicar traballo, xustifica permisos, constrúe liña temporal.
Análise de vulnerabilidades	Versións detectadas, CVE, falsos positivos, scripts e saídas	Facilita validación e priorización de riscos.
Explotación	Exploits probados, parámetros, payloads, sesións	Permite reproducibilidade e xustificación forense.
Post-explotación	Información extraída, movemento lateral, privilexios	Mapea o impacto real e a cadea de ataque completa.
Persistencia	Backdoors engadidas, tarefas programadas, cambios no sistema	Asegura limpeza adecuada e creación de recomendacións precisas.
Informe	Capturas, comandos exactos, métricas CVSS, tempos	Xera un documento rigoroso e comprensíbel a todos os niveis.

---

Por que empregar CherryTree para as notas

As anotacións detalladas garanten reproducibilidade, trazabilidade e valor probatorio. CherryTree ofrece unha combinación óptima de organización, seguridade e exportación que encaixa perfectamente no fluxo de traballo dun pentester.

Funcionalidade de CherryTree	Beneficio directo no pentest
Estrutura en árbore (nodos-subnodos)	Organizar cada fase ou host con subseccións claras.
Texto enriquecido, imaxes, código con resaltado	Inserir capturas, saída de ferramentas e scripts sen perder legibilidade.
Buscador global e etiquetas	Recuperar rapidamente un CVE, IP ou comando.
Encriptado e contrasinal	Protexer datos sensibles (hashes, credenciais).
Autoguardado / copias automáticas	Minimizar risco de perda de información.
Exportación a PDF/HTML	Xerar anexos de informe ou material para o cliente sen pasos extra.
Portabilidade (Linux/Win/macOS)	Traballar coa mesma base de notas en calquera contorno.
Software libre e offline	Cumprir requisitos de confidencialidade sen custos adicionais.